விஜய் தற்போது லோகேஷ் கனகராஜ் இயக்கத்தில் லியோ திரைப்படத்தில் நடித்து வருகின்றார். மாஸ்டர் படத்திற்க்கு பிறகு இக்கூட்டணி லியோ படத்தின் மூலம் இணைந்துள்ளது. விஜய்யின் நடிப்பில் கடைசியாக வெளியான வாரிசு திரைப்படம் வசூலை பொறுத்தவரை வெற்றிப்படமாக இருந்தாலும் கலவையான விமர்சனங்களையே பெற்றது. எனவே லியோ படத்தின் மூலம் விமர்சன ரீதியாகவும் வெற்றிபெறும் முனைப்பில் இருக்கின்றார் விஜய்.
இந்நிலையில் லியோ படத்திற்கு பிறகு விஜய் அட்லீயின் இயக்கத்தில் நடிக்கவுள்ளார் என பேசப்பட்டு வந்தது. மேலும் இப்படத்தை மிகப்பெரிய பொருட்ச்செலவில் சன் பிக்சர்ஸ் தயாரிக்கவுள்ளதாகவும் தகவல்கள் வந்தது. இதுவரை விரைவில் அதிகாரப்பூர்வ தகவல் வெளியாகும் என்றும் ரசிகர்களால் எதிர்பார்க்கப்பட்ட நிலையில், புதிய தகவல் ஒன்று வெளியாகியுள்ளது.
அதன்படி, ஹெச் வினோத் விஜய்க்கு கதை கூறி இருப்பதாகவும், அடுத்ததாக வினோத் இயக்கத்தில் விஜய் நடிக்கவும் வாய்ப்புகள் இருக்கிறது என்றும் கூறுகின்றனர். தளபதி 68 படத்தை யார் இயக்கினாலும், நடிகை சமந்தா தான் கதாநாயகியாக நடிப்பார் என முடிவு செய்யப்பட்டுள்ளதாக தெரிவிக்கின்றனர்.
இந்த முடிவை விஜய்யின் தரப்பில் எடுக்கப்பட்டுள்ளது என்று கூறப்படுகிறது. இப்படி நடந்தால், விஜய்யுடன் சமந்தா இணைந்து நடிக்கும் 4வது படமாக தளபதி 68 அமையும்.இதற்கு முன் கத்தி, தெறி, மெர்சல் என மூன்று திரைப்படங்களில் விஜய்க்கு ஜோடியாக சமந்தா நடித்திருந்தார் என்பது குறிப்பிடத்தக்கது.
