நடிகர் சூப்பர் ஸ்டார் ரஜினிகாந்தின் ஜெய்லர் திரைப்படத்தின் முன்பதிவு வெளிநாடுகளில் அமோகமாக நடைபெற்று வருகிறது. இந்த நிலையில் ஜெய்லர் திரைப்படத்தின் டிரைலர் இன்று ரிலீஸ் ஆகும் என அறிவிக்கப்பட்டுள்ளது.
மேலும் ஜெய்லர் திரைப்படத்தின் டிக்கெட் முன்பதிவு வரும் சனி அல்லது ஞாயிற்றுக்கிழமை தொடங்கும் என்றும் தெரிவிக்கப்பட்டுள்ளது. இந்த நிலையில் அண்ணாத்த திரைப்படத்தின் தோல்விக்கு பிறகு ரஜினிகாந்த் நம்பி இருக்கும் இந்த திரைப்படம் அவரை கைவிடாது என்ற தகவல் வெளியாகி உள்ளது.
இந்த படத்தை பார்த்த படம் சூப்பராக இருப்பதாகவும் நல்ல வசூல் சாதனையை அடையும் என்றும் நம்புகின்றனர். அமெரிக்காவில் எப்போதுமே ரஜினியின் திரைப்படம் வசூலின் பெரிய சாதனையை படைக்கும். படம் எவ்வளவு மோசமாக இருந்தாலும் 1 மில்லியன் என்ற மைல் கல்லை அமெரிக்காவில் பெற்று விடும்.
இந்த நிலையில் ஜெய்லர் திரைப்படத்தின் முன்பதிவு
தொடங்கி சுமார் ஒரு கோடியே 65 லட்சம் ரூபாய் வசூல் சாதனை படைத்திருப்பதாக தகவல் வெளியாகி உள்ளது. படம் ரிலீஸ் ஆக இன்னும் 10 நாட்கள் உள்ள நிலையில் அதற்குள்ளே ஒரு கோடி என்ற மைல் கல்லை ஜெய்லர் அமெரிக்காவில் மட்டும் தாண்டி விட்டது.
இதனால் நாள் செல்ல செல்ல இந்த வசூல் மேலும் அதிகமாகும் என்றும் கூறப்படுகிறது. படத்தின் விமர்சனம் மட்டும் சரியாக இருந்தால் இது நிச்சயமாக இந்த ஆண்டில் அதிக வசூல் செய்த தமிழ் திரைப்படம் என்ற சாதனை கூட படைக்க வாய்ப்பு இருப்பதாக சினிமா வல்லுனர்கள் தெரிவித்துள்ளனர் .
எனினும் ஜெய்லர் திரைப்படத்தின் கதை இணையதளத்தில் வெளியாகிவிட்டது.அது விக்ரம் திரைப்படத்தின் கதை போல இது இருப்பதாக விமர்சனம் எழுந்துள்ளது. ஒருவேளை படம் ரிலீஸ் ஆனால் இந்த விமர்சனம் கூட படத்தின் வசூலை பாதிக்ககூடும்.
