தமிழ் சினிமாவில் நடிகர் இசையமைப்பாளர் தயாரிப்பாளர் என பல பரிணாமங்களில் வலம் வருபவர் விஜய் ஆண்டனி . இவர் இசையை வைத்து காதலில் விழுந்தேன் என்ற படத்தில் நாக்கு முக்க என்ற பாடலின் மூலம் தமிழகமெங்கும் பிரபலமானவர் . தற்போது இவர் பிச்சைக்காரன் 2 படத்தை நடித்து இயக்கி இசையமைத்து அதன் மூலம் இயக்குனராகவும் அறிமுகம் ஆகிறார் .
இவரது நடிப்பு மற்றும் இசையில் வெளியான பிச்சைக்காரன் படம் மிகப்பெரிய வெற்றி பெற்றது . இந்தப் படத்தை சசி என்பவர் இயக்கி இருந்தார் . இதனைத் தொடர்ந்து இந்த படத்தின் இரண்டாம் பாகத்தை பிச்சைக்காரன் 2 என்ற பெயரில் விஜய் ஆண்டனி கதை திரைக்கதை எழுதி இயக்கி வந்தார் . இப்படத்தில் அவருடன் ஜான் விஜய் ஒய் ஜி மகேந்திரன் யோகி பாபு உள்ளிட்ட பலரும் நடித்து வந்தனர் .
இந்தப் படத்திற்கான படபிடிப்பானது மலேசியாவில் நடைபெற்று வருகிறது . இதில் சண்டைக் காட்சிகள் மலேசியாவில் உள்ள லங்காவி தீவில் வைத்து படமாக்கப்பட்டன. சண்டைக் காட்சிகளின் போது எதிர்பாராத விதமாக ஏற்பட்ட படகு விபத்தில் படுகாயம் அடைந்தார் விஜய் ஆண்டனி .
இதனைத் தொடர்ந்து அவர் அந்த தீவில் உள்ள மருத்துவமனையில் முதற்கட்ட சிகிச்சைக்காக அனுமதிக்கப்பட்டிருந்தார் . முதல் கட்ட சிகிச்சைகள் முடிந்து மருத்துவர்களின் கண்காணிப்பில் இருந்த விஜய் ஆண்டனி பின்னர் மேல் சிகிச்சைக்காக மலேசிய தலைநகர் கோலாலம்பூரில் உள்ள மருத்துவமனைக்கு மாற்றப்பட்டார் .
இந்த விபத்து செய்தியை அறிந்ததும் சென்னையில் இருந்து அவரது குடும்பத்தினர் மலேசியா சென்று அவருடன் தங்கி இருந்து அவரை கண்காணித்து வருகின்றனர். காயத்திலிருந்து குணமாகி வரும் அவர் வெகு விரைவில் சென்னை திரும்புவார் என்று எதிர்பார்க்கப்படுகிறது .
இந்நிலையில் இது குறித்து செய்தி வெளியிட்டுள்ள தயாரிப்பாளர் தனஞ்செயன் விஜய் ஆண்டனி வேகமாக குணமாகி வருகிறார் . அவரது குடும்பத்தினர் அவருடன் உள்ளனர் . தற்போது அவர் மருத்துவர்களின் கண்காணிப்பில் இருக்கிறார் . சீக்கிரமே அவர் சென்னை திரும்புவார் . விரைவில் குணமடைந்து மீண்டும் அவர் படப்பிடிப்பில் கலந்து கொள்ள எல்லாரும் பிரார்த்தியுங்கள் என பதிவிட்டு இருக்கிறார்.
விஜய் ஆண்டனிக்கு ஏற்பட்ட இந்த விபத்தானது தமிழ் சினிமா வட்டாரங்களில் பெரும் அதிர்ச்சியை ஏற்படுத்தியுள்ளது . படத்தின் நாயகனே டூப் இல்லாமல் நடித்து உபத்துக்குள்ளானது அதிர்ச்சியையும் ஏற்படுத்தி இருக்கிறது .
