தமிழ் சினிமாவின் உச்சபட்ச நடிகராக விளங்கும் நடிகர் விஜயின் 49 வது பிறந்தநாள் நாளை கொண்டாடப்படுகிறது. இதனை முன்னிட்டு அவருடைய ரசிகர்கள் விஜயின் பிறந்த நாளை விமர்சையாக கொண்டாட தயாராகி வருகிறார்கள்.
விஜய் ரசிகர்களுக்கு பிறந்தநாள் பரிசாக லியோ படத்தின் நான் ரெடி என்ற பாடல் ரிலீஸ் ஆக உள்ளது. இந்த பாடலின் ப்ரோமா ஏற்கனவே ரசிகர் மத்தியில் நல்ல வரவேற்பை பெற்றுள்ளது. இந்த நிலையில் பிறந்த நாளை மேலும் சிறப்பாக மாற்றும் விதமாக தமிழகம் முழுவதும் உள்ள 100 திரையரங்குகளில் மாஸ்டர் திரைப்படம் ரிலீஸ் ஆக உள்ளது.
ஜூன் 22ஆம் தேதி மட்டும் இந்த திரைப்படம் நான்கு காட்சிகள் ரிலீஸ் செய்யப்பட உள்ளதாக தெரிகிறது. இதனால் நடிகர் விஜய் ரசிகர்கள் மாஸ்டர் திரைப்படத்தை பார்த்து விஜய் பிறந்தநாளை கொண்டாட முடிவு எடுத்திருக்கிறார்கள். இதேபோன்று திருமலை, கில்லி, போக்கிரி போன்ற பல்வேறு திரைப்படங்களும் தமிழகத்தில் ரிலீசாக உள்ளது.
இந்த சிறப்பு காட்சிக்கான டிக்கெட் ஏற்கனவே விற்றுத் தீர்ந்துவிட்டது. மேலும் பிறந்த நாளை முன்னிட்டு திரையரங்குகளில் கேக் வெட்டி கொண்டாடவும் விஜய் ரசிகர்கள் ஏற்பாடு செய்துள்ளனர்.
தமிழ்நாட்டில் மட்டுமல்லாமல் பெங்களூரு போன்ற நகரங்களிலும் சிறப்பு காட்சிக்கு ஏற்பாடு செய்யப்பட்டிருக்கிறது. விஜயின் கோட்டையாக கருதப்படும் கேரளாவிலும் பிறந்தநாள் விழா விமரிசையாக கொண்டாடப்படுகிறது. இதைப் போன்று தொலைக்காட்சிகளிலும் பல விஜய் படங்கள் ஒளிபரப்பு செய்யப்படுகிறது.
விஜய் பிறந்த நாளை முன்னிட்டு வரும் ஞாயிற்றுக்கிழமை கில்லி திரைப்படம் சன் டிவியில் ஒளிபரப்பாக உள்ளது. நடிகர் விஜய் தனது பிறந்த நாளை எங்கே கொண்டாட உள்ளார் என்ற செய்தி இன்னும் வெளியாகவில்லை.
பெரும்பாலும் நடிகர் விஜய் தனது பிறந்த நாளை லியோ பாடத்தளத்தில் கொண்டாட உள்ளார் என எதிர்பார்க்கப்படுகிறது. இதற்காக படக்குழு சார்பாக விசேஷ ஏற்பாடும் செய்யப்பட்டுள்ளது. இதனால் படத்தளத்தில் இருந்து நாளை ஸ்பெஷல் ஃபோட்டோவை நாம்கொண்டாடப்படுகிறது..
