தமிழ் சினிமாவுக்கு பொன்னியின் செல்வன் திரைப்படத்தின் மூலம் பூங்குழலியாக அறிமுகம் ஆகியவர் நடிகை ஐஸ்வர்யா லட்சுமி . இவர் 2017 ஆம் ஆண்டு வெளியான ஞ்சண்டுகளுடே நாட்டில் ஓரிடவேல என்ற திரைப்படத்தில் நிவின் பாலிக்கு கதாநாயகியாக அறிமுகமானார் .
மருத்துவரான இவர் 2014 ஆம் ஆண்டு முதல் மாடலிங் துறையில் ஈடுபட்டு வருகிறார் . அதனைத் தொடர்ந்து சினிமாவிலும் முயற்சி செய்து இன்று தமிழ் மற்றும் மலையாள திரையுலகில் முன்னணி கதாநாயகியாக வலம் வந்து கொண்டிருக்கிறார் .
தற்போது வெளியாகி வெற்றிகரமாக ஓடிக்கொண்டிருக்கும் கட்டா குஸ்தி படத்திலும் விஷ்ணு விஷாலுக்கு ஜோடியாக நடித்திருந்தார் என்பது குறிப்பிடத்தக்கது . கைதி படத்தின் மூலம் தமிழ் சினிமாவில் வில்லனாக அறிமுகமாகியவர் அர்ஜுன் தாஸ் . அந்தப் படத்தில் தனது கம்பீரமான குரலாலே மிரட்டி இருப்பார் . இவரது குரலுக்கென்று தனி ரசிகர் பட்டாளமும் உள்ளது . அதனைத் தொடர்ந்து அந்த காரம் என்ற வெப் சீரியஸிலும் நடித்திருந்தார் . லோகேஷ் இயக்கிய மாஸ்டர் மற்றும் விக்ரம் படங்களிலும் முக்கியத்துவம் வாய்ந்த கதாபாத்திரங்களில் நடித்தவர் .
இவரும் நடிகை ஐஸ்வர்யா லட்சுமியும் நல்ல நண்பர்கள் . இந்நிலையில் நேற்று இவருடன் இருக்கும் ஒரு புகைப்படம் ஒன்றை ஐஸ்வர்யா லட்சுமி தனது இன்ஸ்டாகிராம் பக்கத்தில் பதிந்திருந்தார் . இதனை அடுத்து இவர்கள் இருவரும் காதலர்கள் என்று ரசிகர்கள் அந்த புகைப்படத்தை வைரல் செய்து வந்தனர் இதனால் கோலிவுட் வட்டாரத்தில் கிசுகிசு வேகமாக பரவியது.
இதனால் அதிர்ச்சி விட்டு ஐஸ்வர்யா லட்சுமி இன்று அந்தப் புகைப்படத்திற்கு விளக்கம் அளித்து ஒரு பதிவை பதிந்துள்ளார் . அதில் நானும் அர்ஜுன் தாசும் நல்ல நண்பர்கள் . ஒரு நண்பராக நான் அவரை சந்திக்க கூடாதா ? எங்கள் இருவருக்கும் இடையில் நட்பை தவிர வேறு எதுவும் இல்லை . ஒரு நண்பரை சந்தித்ததை தான் நான் பதிவிட்டிருந்தேன் . நேற்றிலிருந்து எனக்கு மெசேஜ் செய்து கொண்டிருக்கும் ரசிகர்கள் எல்லோருக்கும் ஒன்றை தெளிவுபடுத்திக் கொள்ள விரும்புகிறேன் நீங்கள் நிச்சயமாக ஒரு விஷயத்தை தெளிவாக புரிந்து கொள்ளுங்கள் அவர் என்றுமே உங்களுக்கானவர் தான் என்று அந்தச் செய்தியில் இடம் பெற்றுள்ளது . இதன் மூலம் கோடம்பாக்கம் வட்டாரங்களில் வேகமாக பரவி வந்த வதந்திக்கு முற்றுப்புள்ளி வைத்துள்ளார் ஐஸ்வர்யா லட்சுமி .
