Saturday, June 22, 2024
- Advertisement -
Homeசெய்திகள்சினிமாமுனி 5 காஞ்சனா அறிவிப்பு.. மீண்டும் பேய் படங்கள் பக்கம் போகும் ராகவா லாரன்ஸ்.. !

முனி 5 காஞ்சனா அறிவிப்பு.. மீண்டும் பேய் படங்கள் பக்கம் போகும் ராகவா லாரன்ஸ்.. !

நடிகர் ராகவா லாரன்ஸ் என்றாலே பெரும்பாலானோரின் நினைவுக்கு வருவது பேய் படங்கள் தான். முனி 1 இல் துவங்கி காஞ்சனா 3 வரை கடந்த 10 ஆண்டுகளில் 4 திகில் படங்களைக் கொடுத்து நல்ல வரவேற்பையும் பெற்றுள்ளார். அனைத்துப் படங்களையும் ராகவா லாரன்ஸே இயக்கியுள்ளார்.

- Advertisement -

எல்லாப் படன்களின் இறுதியிலும் அடுத்தப் பாகம் வருவதாக அறிவித்துவிட்டு தான் படத்தை நிறைவு செய்வார். 2019இல் காஞ்சனா 3 பிறகு எந்தப் படமும் அப்படி வரவில்லை. காரணம் ராகவா லாரன்ஸ் மற்ற இயக்குனர்களின் படங்களில் நடிப்பதில் பிஸியாக உள்ளார். பெரிய பெரிய படங்களெல்லாம் தற்போது அவருக்கு கிடைத்துள்ளது.

சமீபத்தில் ஜிகர்தண்டா 2 படத்தில் சிறப்பான நடிப்பற்றலை வெளிக்காட்டி மக்களின் பாராட்டுகளைப் பெற்றார். அப்படம் சிறப்பாக ஓட இவரும் ஓர் பெரிய பங்காற்றியுள்ளார். இதனைத் தொடர்ந்து லோகேஷ் கனகராஜ் இயக்கத்தில் சூப்பர்ஸ்டார் ரஜினிகாந்த் அவர்களுக்கு வில்லனாக நடிக்கிறார்.

- Advertisement -

இந்த நிலையில் தனது பேய் படங்களையும் மறுபக்கம் துகங்கவுள்ளார். கடங்க 2 வருடங்களாக தமிழ் சினிமாவில் பேய் படங்களின் எண்ணிக்கை குறைந்தது. 2021இல் அரண்மனை 3 பெரிதாக மக்களைக் கவரவில்லை. அதன் பின்னர் ஆக்க்ஷன் படங்கள் தான் கோலிவுட்டில் அதிகமாக வந்தது. ஆனால் இந்த ஆண்டு எந்த படமும் தமிழில் பெரிதாக ஓடாத நேரத்தில் சுந்தர் சியின் அரண்மனை 4 ஓர் ஆறுதலாக வந்தது.

- Advertisement -

முந்தையப் படங்களை விட இது நன்றாக இருப்பதாக விமர்சனங்கள் வர படம் 100 கோடி வசூலை அள்ளியது. இதனைத் தொடர்ந்து ராகவா லாரன்ஸ் அவர்களும் தன் பங்குக்கு முனி 5 படத்தை துவங்கவுள்ளார். இப்படத்தை தானே தயாரித்து தானே இயக்குகிறார். வருகிற செப்டம்பர் மாதம் இதன் ஷூட்டிங்கை பிளான் செய்துள்ளார்.

கூலி படத்துக்கு முக்கியத்துவம் அளித்து எப்போதெல்லாம் நேரம் கிடைக்கிறதோ அப்போது முனி 5 படத்தின் வேலைகளை மேற்கொள்ள உள்ளார். தனது தயாரிப்பு என்பதால் எந்த வுத பாதிப்பும் அழுத்தமும் அவருக்கு இருக்காது. அடுத்த ஆண்டு முனி 5 வருவது உறுதி.

Most Popular