நடிகர் விஜய் திரைப்பட வாழ்க்கையில் மிகப்பெரிய திருப்புமுனையை ஏற்படுத்திய திரைப்படம் என்றால் அது கில்லி தான்.காதல் திரைப்படங்களை நடித்து வந்த விஜய்க்கு ஆக்சன் முகவரியை கொடுத்தது திருமலை.
ஆனால் வெகுஜன மக்களுக்கு கொண்டு சென்று விஜயை சூப்பர் ஸ்டார் அந்தஸ்துக்கு கொண்டு சேர்த்த படம் என்றால் அது கில்லி தான். இன்றுவரை தொலைக்காட்சியில் கில்லி திரைப்படம் போட்டால் ஒட்டுமொத்த குடும்பமே அமர்ந்து பார்ப்பார்கள். அந்த அளவுக்கு கில்லி திரைப்படத்திற்கு ரசிகர்கள் அதிகம்.
இன்றுடன் கில்லி ரிலீஸ் ஆகி 19 ஆண்டுகள் ஆகிவிட்டது என்று சொன்னால் நம்ப முடிகிறதா. இதனை தான் இன்று சமூக வலைத்தளத்தில் விஜய் ரசிகர்கள் கொண்டாடி வருகின்றனர். கில்லி திரைப்படம் தெலுங்கில் ஒக்கடு என்று மகேஷ் பாபு படத்தின் ரீமேக்காக வந்தது. ஆனால் தெலுங்கு படத்தை விட தமிழ் திரைப்படம் தான் சிறப்பாக இருக்கும்.
அந்த அளவுக்கு காட்சிகளை இயக்குனர் தரணி மாற்றி அமைத்திருந்தார். இந்த படத்தை பார்த்த மகேஷ் பாபுதே தெலுங்கு படத்தை விட தமிழ் படம் கில்லி தான் எனக்கு மிகவும் பிடித்திருக்கிறது என்று கூறியிருந்தார் என்றால் பார்த்துக் கொள்ளுங்கள்.கில்லி திரைப்படம் தமிழ் சினிமாவில் முதல் 50 கோடி ரூபாய் வசூலைக் கடந்த திரைப்படம் என்ற சாதனையை படைத்திருந்தது.
படையப்பா அதிகபட்சமாக 46 கோடி ரூபாய் சாதனை படைத்திருந்த நிலையில் அதனை கில்லி முறியடித்தது. இதன் பிறகு சந்திரமுகி தான் கில்லியின் சாதனையை தகர்த்தது. இதேபோன்று அப்படி போடு என்ற பாடல் அப்போதே தேசிய அளவில் இண்டர்நெட், யூடியூப் இல்லாத காலத்திலேயே இந்த பாடலை வட இந்தியர்கள் விரும்பி கேட்டிருக்கிறார்கள்.
அவ்வளவு ஏன் தல தோனி நமது விஜயை முதல் முறையாக பார்த்தபோது இந்தப் பாடல் எனக்கு மிகவும் பிடிக்கும் என்று குறிப்பிட்டாராம். சன் டிவியில் அதிக டிஆர்பிளை பெற்ற திரைப்படத்தில் கில்லியும் ஒன்று. இதனால் கில்லி எத்தனை ஆண்டுகள் ஆனாலும் ரசிகர்களால் கொண்டாடப்பட வேண்டிய படம் என்பது குறிப்பிடத்தக்கது.
