தமிழ் சினிமாவில் பெரிய நடிகர்கள் திரைப்படங்கள் வந்தால் தான் திரையரங்குகளில் கூட்டம் அலைமோதும். இதற்காக பல்வேறு திரையரங்குகளில் அதிகாலை நான்கு மணியிலிருந்து ரசிகர்களுக்காக சிறப்பு காட்சிகள் போடப்படும்.
இது காலம் காலமாக தமிழ் சினிமாவில் நடைபெற்று வருகிறது. இந்த நிலையில் துணிவு திரைப்படத்தின் போது அஜித் ரசிகர்கள் சாலையில் கொண்டாடிய போது ஒருவர் லாரியில் இருந்து கீழே விழுந்து உயிரிழந்தார்.
இது தொடர்பாக நீதிமன்றத்தில் வழக்கு நடைபெற்ற போது இனி அதிகாலை காட்சிக்கு அனுமதி அளிக்கப் போவதில்லை என தமிழக அரசு அறிவித்தது. இந்த நிலையில் நடிகர் ரஜினிகாந்த் நடித்த ஜெயலர் திரைப்படத்திற்கு அண்டை மாநிலங்களில் எல்லாம் அதிகாலை காட்சிகள் போடப்பட்ட நிலையில் தமிழகத்தில் ஒன்பது மணிக்கு தான் முதல் காட்சியை போடப்பட்டது.
9 ,12, 3 ,6 ,10 என ஐந்து காட்சிகள் தமிழகத்தில் ஒளிபரப்பப்பட்டது. இந்த நிலையில் இதற்கும் தமிழக அரசு தற்போது தடை விதித்திருக்கிறது. சிறப்பு காட்சிகள் 9 மணிக்கு போடப்பட்டது. ஏன் அரசு அனுமதி அளிக்காமல் வார நாட்களில் 5 காட்சிகள் போடப்பட்ட தியேட்டர்களுக்கு தமிழக அரசு சார்பாக நோட்டீஸ் அனுப்பப்பட்டிருக்கிறது.
இதனால் லியோ திரைப்படத்திற்கு முதல் இரண்டு நாட்களுக்கு வெறும் 4 காட்சிகள் தான் போடப்படும் சூழல் உருவாகியுள்ளது. இது திரையரங்கு உரிமையாளர்களை அதிர்ச்சி அடைய செய்திருக்கிறது. அதிகாலை காட்சி இல்லாமல் ரசிகர்களை சமாளிப்பது மிகவும் கடினம்.
தற்போது ஒன்பது மணி காட்சிகளும் இல்லை என்றால் அது மிகப்பெரிய நஷ்டத்தை தங்களுக்கு ஏற்படுத்தும் என்று அவர்கள் கூறி வருகின்றனர். மேலும் இது தயாரிப்பு தரப்பினருக்கும் பெரிய பிரச்சனையை ஏற்படுத்தும்.
அதிகாலை 4 மணி 7 மணி ஆகிய காட்சிகளில் தான் படத்திற்கு அதிக வசூல் வரும் டிக்கெட் விலை சமூக விலைக்கு விற்கலாம். இதன் மூலம் தயாரிப்பு தரப்பில் லாபம் அடையும் தற்போது இந்த காட்சிகளுக்கு தமிழக அரசு தடை விதித்தால் அது மிகப் பெரிய நெருக்கடியை சினிமா தரப்பினருக்கு ஏற்படுத்தும் இது லியோவுக்கு பெரும் பின்னடைவாக கருதப்படுகிறது.
