இயக்குனர் அந்தோணி பாக்கியராஜ் இயக்கத்தில் நடிகர் ஜெயம் ரவி நடித்திருக்கும் சைரன் திரைப்படம் கடந்த 16 ஆம் தேதி வெள்ளிக்கிழமை திரையரங்குகளில் வெளியிடப்பட்டது.
எந்தத் திரைப்படங்களுடனும் மேதாமல் சோலோவாக வெளியிடப்பட்ட சைரன் திரைப்படத்திற்கு முதல் நாளிலிருந்து ரசிகர்கள் மத்தியில் நல்ல பெயரும் வசூலும் இருந்தது.
மணிரத்தினம் இயக்கத்தில் பொன்னியின் செல்வன் திரைப்படத்தில் நடித்த ஜெயம் ரவிக்கு தமிழ் சினிமாவில் ஒரு அடையாளமும் நல்ல பெயரும் கிடைத்தது .ஆனால் அதை அதற்குப் பிறகு அவர் நடித்த அகிலன் ,இறைவன் போன்ற திரைப்படங்கள் பூர்த்தி செய்யவில்லை. இருப்பினும் பொன்னியின் செல்வனுக்கு பிறகு அவருக்கு வந்து அகிலன் திரைப்படத்தின் மீது ரசிகர்களுக்கு பெரும் எதிர்பார்ப்பு இருந்தது அது வெளிவந்த பிறகு எதிர்பார்ப்புகள் ஏமாற்றத்தை தந்தது.
அண்மையில் வெளிவந்த இறைவன் திரைப்படமும் சொல்லிக் கொள்ளும் அளவிற்கு வெற்றியடையவில்லை இந்நிலையில் சைரன் திரைப்படத்தின் இவற்றைக் கருத்தில் கொண்டு பொறுப்போடு நடித்திருந்தார் நடிகர் ஜெயம் ரவி.
சைரன் திரைப்படத்தில் நடிகர் ஜெயம் ரவியுடன் நடிகை கீர்த்தி சுரேஷ், அனுபாமா பரமேஸ்வரன் ,யோகி பாபு போன்ற பிரபலங்களும் இணைந்து நடித்திருந்தார்கள். அகிலன் இறைவன் திரைப்படம் தந்த தோல்வியினால் சைரன் திரைப்படத்தின் மீது ரசிகர்கள் அந்த அளவிற்கு எதிர்பார்ப்பை வைக்கவில்லை. ஆனால் எதிர்பாராத அளவிற்கு தற்பொழுது வெற்றியை பெற்றிருக்கிறது சைரன் திரைப்படம்.
திரைப்படம் வெளியிடப்பட்ட முதல் நாளான வெள்ளிக்கிழமை அன்று 1.5 கோடி வசூலை பெற்றது .அதற்குப் பிறகு இந்த திரைப்படத்தின் கதைகளை பற்றி தெரிந்து கொண்ட ரசிகர்கள் ஆர்வத்துடன் திரையரங்கு பக்கம் வரத் தொடங்கிவிட்டனர் .அதுவும் வார விடுமுறை நாட்கள் என்பதால் இரண்டாவது மூன்றாவது நாட்கள் வசூல் அதிகமாகி இருப்பதும் குறிப்பிடத்தக்கது. இரண்டாம் நாள் இரண்டு கோடி ரூபாய் வசூல் பெற்றது. இந்த மூன்று நாட்களில் இதுவரை ஐந்து கோடிக்கு மேல் வசூலை பெற்று வெற்றி அடைந்திருக்கிறது சைரன் திரைப்படம்.
இது தொடர்ந்து நடிகர் ஜெயம் ரவி உலகநாயகன் கமலஹாசன் நடிக்கும் தக்லைப் திரைப்படத்திலும் நடித்து வருகிறார். காதலிக்க நேரமில்லை ,பிரதர் என்று நிறைய திரைப்படங்களை அடுத்தடுத்து நடிக்க தயாராக இருக்கிறார் நடிகர் ஜெயம் ரவி . வைரன் திரைப்படம் தரப்போகும் வெற்றியை தொடர்ந்து அடுத்தடுத்து திரைப்படங்களின் மீது ரசிகர்களுக்கும் எதிர்பார்ப்புகள் அதிகமாக இருக்கிறது.
