2002 ஆம் ஆண்டு மௌனம் பேசியதே என்ற திரைப்படத்தின் மூலம் தமிழ் சினிமாவில் பிரபலமானவர் நடிகை திரிஷா. இதைத் தொடர்ந்து இவர் சாமி, கில்லி போன்ற திரைப்படங்களில் முன்னணி நடிகர்களுக்கு கதாநாயகியாக நடித்திருக்கிறார்.
இதேபோல் இவர் தெலுங்கிலும் திரைப்படங்கள் நடித்திருக்கின்றார் என்பது குறிப்பிடத்தக்கது.
இதைத்தொடர்ந்து இவர் அபியும் நானும்,விண்ணைத்தாண்டி வருவாயா போன்ற சிறந்த கதை கலங்களைக் கொண்ட நல்ல திரைப்படங்களிலும் நடித்திருக்கிறார்.
அதிலும் இவர் நடித்த விண்ணைத்தாண்டி வருவாயா என்ற திரைப்படத்திற்கு தனி ரசிகர் பட்டாளமே இவருக்கு உண்டு. இப்படி பிரபலமான திரிஷா சில காலம் ஓய்வில் இருந்து பின் மணிரத்தினம் இயக்கத்தில் மாபெரும் படைப்பாக வெளிவந்திருக்கும் பொன்னியின் செல்வன் திரைப்படத்தின் குந்தவை என்ற கதாபாத்திரத்தின் மூலம் மீண்டும் தமிழ் சினிமாவில் தனக்கென்று ஒரு முத்திரையை பதித்திருக்கிறார்.
இவர் தற்பொழுது லோகேஷ் கனகராஜ் இயக்கத்தில் தளபதி விஜய் உடன் லியோ திரைப்படத்தில் நடித்துக் கொண்டிருக்கிறார். இந்த நிலையில் தன்னுடைய 40 வது பிறந்த நாளை இன்று கொண்டாடி இருக்கிறார். லியோ திரைப்பட குழுவினரோடு இவர் கொண்டாடிய பிறந்தநாளில் தளபதி விஜய் எடுத்த புகைப்படத்தை இணையத்தில் வெளியிட்டிருக்கிறார். இது சமூக வலைத்தளங்களில் பரவி வருகிறது.
அப்பொழுது இருந்ததை விட பொன்னியின் செல்வன் திரைப்படத்திற்கு பிறகு குந்தவையாக பலர் மனதில் இடம் பிடித்திருக்கும் த்ரிஷா தற்பொழுது ரசிகர்களால் பெரும் அளவில் கொண்டாடப்பட்டு வருகிறார். ரசிகர்களிடமிருந்து இவருக்கு பிறந்தநாள் வாழ்த்துக்கள் குவிந்த வண்ணம் இருக்கிறது.
சினிமா உலகைப் பொருத்தவரை வயது என்பது ஒரு விஷயமே இல்லை அது சில நடிகர் முகத்தில் அவர்களுடைய வயது தெரிவதுமில்லை. சூப்பர் ஸ்டார் ரஜினிகாந்த் முதல் நடிகை ரம்யா கிருஷ்ணன், நடிகை நதியா போன்ற நடிகைகளின் முகத்திலும் அவர்களின் வயதை நம்மால் கணிக்க முடியாத அளவிற்கு இளமை இன்றும் இருக்கிறது.
அது போல் நடிகை திரிஷாவின் 40 வயதுக்குரிய பெண் என்று யாராலும் கூற முடியாது. சினிமா துறையில் சாதிப்பதற்கு எந்த வயதாக இருந்தாலும் அது இங்கு முக்கியமில்லை. திறமைக்கு இங்கு வாய்ப்பு உண்டு.
அந்த வகையில் தற்பொழுது திரிஷா தன்னுடைய திறமைகளை நிரூபித்து சினிமாத்துறையில் சாதித்து வருகிறார். இவர் பல திரைப்படங்களில் நடித்து வெற்றி அடைவார் என்று ரசிகர்கள் எதிர்பார்க்கிறார்.
