வாழ்க்கையை எப்படி வாழ வேண்டும் என்பதற்கு நடிகர் அஜித் இளைஞர்களுக்கு எடுத்துக்காட்டாக இருக்கிறார். தமக்கு பிடித்த விஷயங்களை நாம் சம்பாதித்த பிறகு செய்ய வேண்டும் என்பதில் அஜித் விடாப்பிடியாக இருக்கிறார்.
கார் பந்தயம் ஓட்டுவது, பைக் ரேஸ் ஓட்டுவது ,ட்ரோன்களை பறக்க விடுவது, துப்பாக்கி சுடுவது, புகைப்படம் எடுப்பது, பிரியாணி சமைப்பது என பன்முக திறமை கொண்ட நடிகர் அஜித் , அவ்வப்போது நடிக்கவும் செய்கிறார்.
நடிகர் அஜித் திரைப்படத் துறையில் கோலோச்சிய பிறகு தமக்கு பிடித்த காரியங்களை ஒவ்வொன்றாக தற்போது செய்து வருகிறார்.
இந்த நிலையில் தான் தற்போது பரஸ்பர மரியாதைக்கான பயணம் என்று நடிகர் அஜித் தற்போது உலகம் முழுவதும் பைக்கில் சுற்ற உள்ளார். இதில் தற்போது இந்தியாவில் உள்ள அனைத்து மாநிலங்களுக்கும் சென்ற நடிகர் அஜித் தற்போது நேபால் மற்றும் பூட்டான் ஆகிய பகுதிகளுக்கும் சென்று முடித்திருக்கிறார்.
இதனால் நடிகர் அஜித்தின் அடுத்த படப்பிடிப்பு எப்போது தொடங்கும் என அவர்கள் ரசிகர்கள் பல நாட்களாக காத்திருந்தார்கள். அஜித்தின் சக போட்டியாளராக கருதப்படும் நடிகர் விஜய் வாரிசு திரைப்படத்தை முடித்துவிட்டு லியோ படத்தையும் கிட்டத்தட்ட முடிக்கப் போகிறார். தற்போது அடுத்த படத்திற்கான கதை கேட்கும் பணியில் ஈடுபட்டு வருகிறார்.
ஆனால் அஜித் அடுத்த படத்தின் இயக்குனர் யார் என்பதை அறிவிக்கவே இரண்டு மூன்று மாதம் ஆகிவிட்டது. தற்போது அஜித் இல்லாமலேயே படத்தின் பூஜை எல்லாம் நடந்து முடிந்து விட்டது. தற்போது பட குழுவினர் அஜித்தின் வருகைக்காக காத்திருக்கிறார்கள்.
தற்போது பைக் பயணத்தை முடித்துள்ள நடிகர் அஜித் விரைவில் சென்னை திரும்பி ஒரு வார காலத்திற்கு ஓய்வு எடுத்துக் கொண்டு பிறகு விடாமுயற்சி படப்பிடிப்பில் பங்கேற்க உள்ளார். நடிகர் அஜித்தின் தந்தை கடந்த மாதம் காலமானதால் அவர் தன்னுடைய பைக் பயணத்தை ஒத்தி வைத்திருந்தது குறிப்பிடத்தக்கது.
