தமிழ் சினிமாவில் ஜூன் மாதம் மிகப்பெரிய முக்கியத்துவம் வாழ்ந்த மாதமாக நடப்பாண்டில் இருக்கிறது. காரணம் நமது ரசிகர்கள் எப்போதுமே தங்களது நாயகன் நடித்த படத்தில் அப்டேட் வேண்டும் !வேண்டும்! என்று கேட்டு அனைவரையும் தொல்லை செய்வார்கள்.
மோயின் அலி முதல் பிரதமர் மோடி வரை ரசிகர்கள் அப்டேட் கேட்டு தொல்லை செய்திருக்கிறார்கள். இந்த நிலையில் வரும் ஜூன் மாதம் அப்டேட்டுகள் நிறைந்த மாதமாக இருக்கும் என எதிர்பார்க்கப்படுகிறது.
ஏற்கனவே ஜூன் மாதம் இரண்டாம் தேதி மாமன்னன் திரைப்படத்தின் இசை மற்றும் ட்ரெய்லர் வெளியீட்டு விழா நடைபெறும் என அறிவிக்கப்பட்டுள்ளது. இதனைத் தொடர்ந்து சிவகார்த்திகேயன் நடிக்கும் மாவீரன் திரைப்படத்தில் ட்ரெய்லர் ஜூன் மாதம் ரிலீஸ் ஆக உள்ளது.
இதனை ரசிகர்கள் மிகுந்த எதிர்பார்ப்புடன் காத்திருக்கிறார்கள் ஏனென்றால் பிரிண்ஸ் திரைப்படம் எதிர்பார்த்த அளவு போகாத நிலையில் மாவீரன் மூலம் சிவகார்த்திகேயன் கம்பேக் கொடுக்க இருக்கிறார்.
இதை தொடர்ந்து சூப்பர் ஸ்டார் ரஜினிகாந்த் நடிப்பில் வெளியாக உள்ள ஜெயிலர் திரைப்படத்தின் அப்டேட்டுகள் ஜூன் மாதம் இறுதியில் ரிலீஸ் ஆகும் என எதிர்பார்க்கப்படுகிறது.
இதேபோன்று ரசிகர்கள் மிகுந்த எதிர்பார்ப்புடன் காத்திருக்கும் லியோ படத்தின் டீசர் விஜய் பிறந்த நாளான ஜூன் 22ஆம் தேதி வெளியாகலாம் என்ற தகவலும் வந்திருக்கிறது. இதேபோன்று நடிகர் சூர்யா நடித்துள்ள கங்குவான் திரைப்படத்தின் அப்டேட்டும், தல அஜித் நடிக்க போகும் விடாமுயற்சி படத்தில் ஏதேனும் அப்டேட் ஜூன் மாதத்தில் ரிலீஸ் ஆகலாம் .
இதைப் போன்று விக்ரமுக்கு துருவ நட்சத்திரம் படத்தின் அப்டேட் வெளிவர உள்ளது .இதனால் ஜூன் மாதம் சினிமா ரசிகர்கள் அனைவருக்கும் ஒரு முக்கியத்துவம் வாய்ந்த மாதமாக அமைந்துள்ளது.
