தற்பொழுது வெளியிடப்பட்ட திரைப்படங்களிலேயே போர் தொழில் திரைப்படம் ரசிகர்கள் மத்தியில் நல்ல வரவேற்பை பெற்று வருகிறது. இந்த திரைப்படத்தில் நடிகர் சரத்குமாரும் அசோக் செல்வனும் முக்கிய கதாபாத்திரத்தில் நடித்திருந்தார்கள். இந்த திரைப்படத்தில் இவர்களுடைய கதாபாத்திரம் ரசிகர்கள் மத்தியில் பெரும் வரவேற்பு பெற்றது.
இயக்குனர் விக்னேஷ் ராஜா இயக்கிய இந்த திரைப்படம் வசூல் ரீதியாகவும் விமர்சன ரீதியாகவும் வெற்றியடைந்ததை தொடர்ந்து திரைப்படத்திற்கான வெற்றி விழாக்களை கொண்டாடி வருகிறார்கள்.அப்பொழுது நடிகர் சரத்குமார் இடம் சில கேள்விகள் கேட்கப்பட்டது. அதில் தளபதி விஜய் பற்றி ஒரு கேள்வியும் இடம் பெற்று இருந்தது.
சில நாட்களுக்கு முன்பு தளபதி விஜய் பத்து மற்றும் பன்னிரண்டாம் வகுப்பில் நல்ல மதிப்பெண்கள் பெற்ற இருப்பதால் மாணவர்களின் ஊக்குவிக்கும் வகையில் ஒரு விழாவை நடத்தி இருந்தார்.
அந்த விழாவின்போது உரையாடிய தளபதி விஜய் அரசியலுக்கு தான் வரப்போவதை குறித்து ஒரு குறிப்பை வெளியிட்டு இருந்தார். இதை தொடர்ந்து ரசிகர்கள் மத்தியில் தளபதி விஜய் அரசியலுக்கு வரப்போகிறார் என்ற பேச்சு நடந்து வருகிறது .
இதை குறித்து நடிகர் சரத்குமாரிடம் கேட்கப்பட்டதற்கு அவர், தளபதி விஜய் அரசியலுக்கு வருவதை என்னுடைய சமத்துவ ம7க்கள் கட்சி சார்பாக வரவேற்கிறேன் என்று கூறியிருந்தார்.
மேலும் அவருடன் கூட்டணி வைக்கப் போவதை குறித்து கேட்டதற்கு அதற்கு நான் மட்டும் ஒப்புக் கொண்டால் போதாது தளபதி விஜய்க்கு அதில் விருப்பம் இருக்க வேண்டும் என்று கூறியிருந்தார்.
இந்த நிலையில் மேலும் மேலும் இதை குறித்து கேள்வி கேட்ட பத்திரிக்கையாளரிடம் என்னையே கேள்வி கேட்கிறீர்களே, நீங்கள் என்ன நினைக்கிறீர்கள் என்று கேட்டார். நீங்கள் சொல்லுங்கள் அதை விஜய் இடம் கேட்போம் என்று அவர் அளித்த பதில் சர்ச்சையை ஏற்படுத்தி இருக்கிறது. இதைப் பற்றி அவர் பேசியது விஜய் அரசியலுக்கு வருவது பிடிக்காதது போல் நடந்து கொண்டார் நடிகர் சரத்குமார்.
