தல, தல என்று தலை மேல் வைத்து கொண்டாடும் ரசிகர்கள் இன்னொரு குட்டி சுவற்றை எட்டிப் பார்த்தால் அங்கேயும் கோடி பேர் இருப்பார்கள்.
ரசிகர்களின் மனதில் இரண்டறக் கலந்து நிற்பவர் நடிகர் அஜித்குமார்.
இவர் கதாநாயகனாக அறிமுகமான பிறகு அரவிந்த் சுவாமியை விட்டுவிட்டு இவர் பின்னால் ஓடிய ரசிகைகளோ ஏராளம்.முதன்முதலாக அமராவதி என்ற திரைப்படத்தில் அறிமுகமானார்.அதன்பிறகு அவர் ஏற்று நடித்தது எல்லாம் பிளேபாய் கதாபாத்திரங்கள் தான். ஆசை நாயகன் அஜித்குமார் என்று பட்டம் கொடுத்து காதல் மன்னனாக உயர்த்தப்பட்டார்..!
அதே பாணியில் படங்களை தொடர விரும்பாத அஜித், ஆக்ஷன் காட்சிகளுக்கு முக்கியத்துவம் கொடுக்கும் கதாபாத்திரத்தின் மீது கவனம் செலுத்தினார்.
அச்சமயத்தில் தொலைக்காட்சி ஒன்றுக்கு பேட்டி அளித்த அஜித்குமாரின் சில தகவல்கள் விமர்சனங்களை பெற்றது.
அதில் வெறுப்படைந்த அஜித் அன்றிலிருந்து பொது நிகழ்ச்சிகளிலோ பேட்டிகளிலோ தலை காண்பிப்பதே இல்லை.
தலையை காண வேண்டும் என்ற ஆவலில் ரசிகர்கள் தவித்தனர். ஆளை இல்லா ஊருக்கு இலுப்பை பூ சர்க்கரை என்பது போல் அவர் வெளியில் செல்லும் ஒரு நொடி காட்சிகள் கிடைத்தால் கூட அதை வைரல் செய்து’ ‘பார்த்த விழி பார்த்தபடி” என்று ரசிகர்கள் குதூகளிப்பார்கள்.
அவரின் திரையில் மட்டுமே காண இயலும் என்ற நிலையில் அவரின் திரைப்படங்கள் எப்பொழுது வெளிவரும் என்று ஏங்கும் நிலைக்குச் சென்றனர் ரசிகர்கள்.
ஆனால் அஜித் பைக் ரேஸ் மீது அதீத ஈடுபாடு காட்ட ஆரம்பித்தாலும் ரசிகர்களின் வேண்டுகோளுக்கிணங்க ஆண்டுக்கு குறைந்தபட்சம் ஒரு படமாவது நடிக்கிறார்.இந்நிலையில் அவர் அடுத்து நடிக்க இருக்கும் படம் “விடா முயற்சி “என்று சொல்லப்பட்டது.
லைக்கா நிறுவனம் தயாரிக்க ,எச் வினோத் படத்தை இயக்குகிறார் .இப்படத்தின் படப்பிடிப்பு ஆகஸ்ட் மாதத்தில் தொடங்கும் என்று அறிவிக்கப்பட்ட திலிருந்து. “விடாமுயற்சி விஸ்வரூப வெற்றி ” என்று ரசிகர்களும் மகிழ்ச்சியின் உச்சத்தில் இருந்தனர்.தற்பொழுது அஜித் குமாரும் ஒரு ரசிகரும் இணைந்து இருப்பது போல் புகைப்படம் ஒன்று வலைத்தளத்தில் வட்டமிட்டு கொண்டிருக்கிறது.
அதில் நார்வே நாட்டில் இருப்பது போல் காட்சி உள்ளது. நார்வே நாட்டில் நடக்கும் பைக் ரேஸில் கலந்து கொள்வதற்காக அஜித் சென்று இருப்பது தெரியவந்துள்ளது.
விடாமுயற்சியின் படப்பிடிப்புகள் தொடங்கும் என்று அறிவிக்கப்பட்ட நிலையில் அஜித் நார்வே சென்று இருப்பது ரசிகர்களுக்கு ஏமாற்றத்தை அளித்துள்ளது.
அதில் ஒரு ஆறுதலான விஷயமும் ஒளிந்திருக்கிறது விடாமுயற்சி படத்திற்காக அஜித் உடல் எடையை குறைத்து வருகிறார் என்ற தகவல் வெளியானது. ஆனால் அஜித் அதில் மீண்டும் உடல் பருமனோடும், முகம் முதிர்ந்த நிலையிலும் காணப்பட்டார்.
