தமிழ் சினிமாவின் அதிக ரசிகர்கள் உடைய நடிகர்களில் ஒருவராக விளங்குபவர் நடிகர் அஜித். அஜித் படங்களில் நடிக்க மாட்டாரா என அவருடைய ரசிகர்கள் ஏங்கிக் கொண்டிருக்கிறார்கள். கடைசியாக அவர் நடித்த துணிவு திரைப்படம் வெற்றியை பெற்ற நிலையில் தற்போது அடுத்த திரைப்படத்திற்கான அறிவிப்பு வெளியாகிவிட்டது.
ஆனால் நடிகர் அஜித் இன்னும் படத்தளத்திற்கு வரவில்லை என்ற நிலையில் அஜித் ஒரு முக்கிய அறிவிப்பை வெளியிட்டு இருக்கிறார். அதில் தாம் ஒரு புதிய பைக் சுற்றுலா பயணம் செய்யும் நிறுவனத்தை தொடங்க உள்ளதாக கூறியுள்ளார். இது தொடர்பாக அவர் வெளியிட்டுள்ள அறிக்கையில் வாழ்க்கை ஒரு அழகான பயணம்.
அதில் உள்ள திருப்பம் அனைத்தையும் நாம் தழுவிக் கொண்டு முன்னேறி செல்ல வேண்டும். தற்போது மோட்டார் சைக்கிள் தொடர்பான என்னுடைய காதலை நான் தொழில்முறையில் ஒரு வணிக நிறுவனத்தை தொடங்க உள்ளேன்.
அதற்கு பெயர் ஏ கே மோட்டோ ரைடு. இந்த நிறுவனம் பைக் சுற்றுப்பயணம் மேற்கொள்ளும் வீரர்களுக்கு ஒரு வழிகாட்டியாக இருக்கும்.இந்தியாவில் மட்டுமல்லாமல் உலகம் முழுவதும் எங்கு வேண்டுமானாலும் மோட்டார் பைக்கில் செல்ல இந்த நிறுவனத்தை அணுகினால் அவர்களுக்கு தேவையான அனைத்து உதவிகளும் செய்து தரப்படும்.
தொழில்முறை நபர்கள் உங்களை வழிநடத்தி செல்வார்கள். ஒவ்வொரு ஊரிலும் உள்ள பழக்கவழக்கம் உணவு சாப்பாடு இடம் ஆகியவற்றை எங்கள் நிறுவனம் செய்து கொடுக்கும். உங்களுடைய பைக் பயணத்தை பாதுகாப்பானதாக மாற்றும் முயற்சிதான் எங்களுடையது என அஜித் தெரிவித்துள்ளார்.
உங்களுக்கு இந்த புதுவிதமான அனுபவத்தை பைக் பயணம் ஆரம்பத்திலிருந்து முடியும் வரை நாங்கள் கொடுப்போம் என்றும் அஜித்துக்கு கூறியிருக்கிறார். வாழு வாழ விடு எனவும் தனது கடிதத்தில் அஜித் குறிப்பிட்டுள்ளார்.
