தமிழ் சினிமாவில் வித்தியாசமான திரைக்கதையை தேர்வு செய்து அதில் நடித்து ஹிட் கொடுப்பது என்றால் அது நடிகர் அருள்நிதி தான். இவர் நடித்த மௌன குரு,டிமான்டி காலனி, டி பிளாக், டைரி போன்ற படங்கள் எல்லாம் மிகப்பெரிய ஹிட் ஆக அமைந்தது.
இந்த நிலையில் அருள்நிதி புகைப்படம் போட்டு தேடப்படும் குற்றவாளியாக அறிவிக்கப்பட்ட போஸ்டர் ஒன்று வெளியாகி பரபரப்பு ஏற்படுத்தி உள்ளது. நீண்ட நாட்களுக்குப் பிறகு அருள்நிதி தற்போது கிராமத்து சப்ஜெக்ட் நடிக்க உள்ளார். கழுவேத்தி மூர்க்கன் என்ற திரைப்படத்தில் அருள்நிதி நடித்திருக்கிறார்.
இந்த படம் வரும் மே 26 ஆம் தேதி ரிலீஸ் ஆகிறது. கௌதம ராஜ் இயக்கத்தில் வெளியாகும் இந்த திரைப்படத்தில் டி இமான் இசையமைப்பாளராக பணியாற்று இருக்கிறார். இந்தப் படத்தை ரெட் ஜெயின் நிறுவனம் வாங்கி ரிலீஸ் செய்ய உள்ளது.
இந்தப் படத்தில் அருள்நிதி மூர்க்க சாமி என்ற கதாபாத்திரத்தில் நடித்திருக்கிறார். இந்த படத்தின் ப்ரோமோஷன் பணிக்காக வெளியிடப்பட்டு போஸ்டரில் மூர்க்க சாமி இரண்டு கொலைகளை செய்திருப்பதாகவும் அவர் தேடப்படும் குற்றவாளி என்றும் குறிப்பிடப்பட்டுள்ளது.
மேலும் அவரை கண்டுபிடித்து தருபவர்களுக்கு 10 லட்சம் ரூபாய் சன்மானம் வழங்கப்படும் என்றும் அந்த போஸ்டரில் குறிப்பிடப்பட்டுள்ளது. இந்த வித்தியாசமான போஸ்டரும் அருள்நிதிகளுக்கும் ரசிகர்களை வெகுவாக கவர்ந்துள்ளது.
இது அருள்நிதி நடித்த படங்களில் மிகவும் வித்தியாசமாக இருக்கும் என எதிர்பார்க்கப்படுகிறது. மேலும் இது குறிப்பிட்ட சாதியை உயர்த்தி பேசும் படமாகவும் அமையலாம் என கருதப்படுகிறது.
