நடிகர் சிவகார்த்திகேயன் நடிப்பில் வெளியாக இருக்கும் திரைப்படம் அயலான். இந்தப் படம் அறிவிக்கப்பட்ட போது ஒரு குழந்தை பிறந்தது என்றால் அதற்கு தற்போது ஐந்து வயதாகி இருக்கும். அந்த அளவிற்கு படத்திற்கு பல தடைகள் உருவானது.
2018 ஆம் ஆண்டு வெளியான அறிவிப்பு பல்வேறு தடைகளுக்குப் பிறகு தற்போது படத்தின் ரிலீஸ் தேதி படக்குழு அறிவித்துள்ளது. ப்ரொடியூசர் ஆர் டி ராஜா தயாரிக்கும் இந்த படத்தை நேற்று இன்று நாளை இயக்குனர் ரவிக்குமார் இயக்கியுள்ளார். முதல் படத்திலேயே ரசிகர்களை தனது வித்தியாசமான திரைக்கதை மூலம் மிரள வைத்தவர் தான் இந்த ரவிக்குமார் .
அவருடன் சிவகார்த்திகேயன் இணைகிறார் என்ற உடனே இந்த படத்திற்கு எதிர்பார்ப்பு எகிரியது. மேலும் இந்த படத்தின் இசையை ஏ ஆர் ரகுமான் அமைத்துள்ளார். நீ வேற லெவல் சகோ என்ற பாடல் வெளியாகி ரசிகர்கள் மத்தியில் வரவேற்பு பெற்றது. ஆனால் அதன் பிறகு இந்த படம் குறித்து எந்த அறிவிப்பும் வெளியாகவில்லை.
அதனால் இந்த படம் கைவிடப்பட்டது என நினைத்து ரசிகர்கள் சோகத்தில் இருந்தனர். ஆனால் படத்திற்கு கிராபிக்ஸ் காட்சிகள் அதிகம் தேவைப்படுவதால் படம் நன்றாக வர வேண்டும் என தயாரிப்பாளர்கள் மெனக்கிடுவதாக செய்திகள் வெளியாகின. இதற்காக அவெஞ்சர்ஸ், ட்ரிபிள் ஆர் ஆகிய படங்களுக்கு கிராபிக்ஸ் காட்சிகளை செய்து கொடுத்த நிறுவனம்தான் தற்போது அயலான் திரைப்படத்திற்கு பணியாற்றி வருகிறது.
இந்த நிலையில் அயலான் திரைப்படம் வரும் தீபாவளிக்கு ரிலீஸ் ஆகும் என அறிவிக்கப்பட்டுள்ளது. இது சிவகார்த்திகேயன் ரசிகர்கள் மகிழ்ச்சியில் ஆழ்த்தியுள்ளது. கடந்த முறை தீபாவளிக்கு ரிலீசான பிரினா திரைப்படம் ரசிகர்கள் மத்தியில் போதிய வரவேற்பு பெறவில்லை. அதனால் தான் திரைப்படம் அவருக்கு முதல் தீபாவளி ஹிட்டாக மாறும் என ரசிகர்கள் எதிர்பார்த்து காத்திருக்கிறார்கள்.
