நடுவில் இந்த கௌஷிக் வந்தா…. என்று முட்டு சந்தில் வசமாக வந்து தானே தலையை கொடுத்திருக்கிறது ஒரு ப்ளூ ஆடு!!!

இது ச்சும்மா டிரைலர் தான் மெயின் பிக்சரை இன்னும் நீ பார்க்கலையே என்ற வசனத்திற்கு ஏற்ப சூப்பர் ஸ்டார் ரஜினிகாந்தின்  ஜெயிலர் படத்தின் பாடல்  மட்டுமே வெளிவந்திருக்கிறது. பாடல் மட்டுமே அனைவரையும் அலற விட்டுக் கொண்டிருக்கிறது.

இயக்குனர் நெல்சன் இயக்கத்தில், சன் பிக்சர்ஸின் பிரம்மாண்ட தயாரிப்பில், இளைஞர்களின் இசை சூறாவளி அனிருத்தின் இசையமைப்பில், சூப்பர் ஸ்டார் ரஜினிகாந்தின் மிரட்டல் ஆன நடிப்பில் திரைக்கு வர தயாராகி கொண்டிருக்கிறது ஜெய்லர் திரைப்படம்..

இப்படத்தை பற்றிய சுவாரசிய தகவல்களும் கிசுகிசுப்புகளும் யூகங்களும் என்று எதற்கும் குறைவில்லாமல் சமூக வலைத்தளங்களில் உலா வந்த வண்ணம் உள்ளன.முதலில் காவாலா என்ற பாடல் வெளியாகி பட்டி தொட்டி எங்கும் பட்டைய கிளப்பியது.

இரண்டாவதாக ஹுக்கும் என்ற பாடல் வெளியான போது அந்தப் பாடலின் வரிகளை எழுதிய சூப்பர் சுப்புவை தலை மேல் வைத்து கொண்டாடி தீர்த்தனர் ரசிகர்கள்.
அந்த பாடலில் வரும் வரிகள் அனைத்தும் தன் தலைவருக்கு 100% அப்படியே  பொருந்தி போவதாக சிலாகித்தனர்.

மேலும் ஒரு போனசாக இந்தா வச்சுக்க !!என்று ஜெயிலர் படத்தின் அடுத்த பாடல் ஆன ஜுஜூபி என்ற பாடல் வெளியாகி புயலையும் சர்ச்சையையும் ஒரு சேர ஏற்படுத்தி உள்ளது.இதில் உண்மையை உரக்கச் சொல்வோம் என்ற கொள்கையோடு?? வாழ்ந்து வரும் என்றுமே மாறாத ப்ளூ ஆடு தானாக வந்து நெட்டிசன்களிடம் வாங்கி கட்டிக் கொள்ள வரிசையில் நிற்கிறது.

பெயரில் மட்டும் தான் ப்ளூ சொல்லிலும் செயலிலும் அனைத்துமே பச்சை என்று அனைவராலும் பாராட்டப்படும்!? ப்ளூ ஆடு தனது ட்விட்டர் பக்கத்தில், ரஜினிக்கு பயம் வந்துவிட்டது எனது பதவியை தக்க வைப்பதற்காகவே இது போன்ற பாடல்களை தானே சூப்பர் சுப்புவை வைத்து எழுத சொல்லி ஆதாயம் தேடி வருகிறார்.

மேலும் தன்னுடைய பழைய தோல்விகளை  மறைக்கவும் ரசிகர்களை தியேட்டருக்கு வரவழைக்கவும் திட்டம் வகுத்திருக்கிறார்.பதவியை பறிக்க நாலு பேரு என்ற வரிகள் அவர் நடிகர் விஜய் தான் குறிப்பிடுகிறார் என்றும்  நக்கல் அடித்து   நெட்டிசன்களின் அக்னி பார்வைக்குள் சிக்கிச் சின்ன பின்னமாகி கொண்டிருக்கிறது.

பயமா ?எனக்கா! என்று ரஜினி பேசும்  காட்சி தான் அனைவர் கண்ணிலும் வந்து போகிறது.
ஆயிரம் கைகள் தடுத்து நின்றாலும் ஆதவன் மறைவதில்லை என்பது போல் தமிழ் திரை உலகின் முடி சூடா மன்னனாக தளபதியாக எஜமானாக முரட்டு காளையாக இன்று வரை உச்சத்தில் உலா வந்து கொண்டிருக்கும் சூப்பர் ஸ்டார் ரஜினிகாந்தை இவ்வாறாக பதிவிட்டதை ஏற்க முடியாமல் ரஜினி ரசிகர்கள் மட்டுமல்ல ஒட்டுமொத்த சினிமா ரசிகர்களும் கோபத்தின் உச்சியில் உள்ளனர்.

மேலும் இது விஜய் ரசிகர்களுக்கும் ரஜினியின் ரசிகர்களுக்கும் சிண்டு முடியும் அவருடைய வழக்கமான செயல்தான் என்றும் அனைவராலும் கூறப்படுகிறது.இந்த அவமானம் உனக்கு தேவையா??? என்று நக்கல் அடித்து வருகின்றனர் ரசிகர்கள்…