விஜயகாந்த் என்றால் 2k கிட்ஸ் வெறும் மீம்ஸ் கன்டென்ட் தருபவர் என்ற அளவு தான் தெரியும். ஆனால் விஜயகாந்த் எவ்வளவு பெரிய மாஸ் ஹீரோ என்றும், தான் சாதாரண கிராமத்தில் பிறந்து எவ்வளவு பெரிய உச்சத்துக்கு சென்றார் என்பது குறித்து எல்லாம் பலருக்கும் தெரியாது.
அரசியலுக்கு வருகிறேன் என்று கூறிவிட்டு பாதியிலே ஓடிவிடும் சிலருக்கு மத்தியில் தைரியமாக அரசியலில் நின்று தனியாளாக வெற்றி பெற்று பின் எதிர்க்கட்சித் தலைவராக சட்டமன்றத்தில் உருவெடுத்தவர் தான் விஜயகாந்த். கருப்பாக இருந்தால் நடிக்க முடியாது என்ற இமேஜை உடைத்தவர்கள் பட்டியலில் ரஜினிக்கும் விஜயகாந்துக்கும் மிகப்பெரிய பங்கு இருக்கிறது.
சினிமாவில் வருவதற்கு முன்பே விஜயகாந்த் ஒரு அளவுக்கு செல்வம் படைத்த குடும்பமாக தான் இருந்திருக்கிறார். ஆனால் சினிமாவில் வாய்ப்பு தேடிய போது சாப்பிடாமல் கஷ்டப்பட்டு இருக்கிறார். இதனால்தான் தாம் பட்ட கஷ்டத்தை வேறு யாரும் படக்கூடாது என்பதற்காக விஜயகாந்த் வீட்டில் எப்போதுமே மதிய வேளையில் உணவு இலவசமாக வழங்கப்படும்.
விஜயகாந்த் வீட்டிற்கு சென்றால் நிச்சயமாக சாப்பிட்டு வந்துவிடலாம் என்று பல பேர் அவருடைய வீட்டிற்கு செல்வது வழக்கம். சிலர் பார்க்க கரடு முரடாக தெரிந்தாலும் உள்ளத்தில் வெறும் குழந்தையாக இருப்பார்கள். அந்த வகையைச் சேர்ந்தவர் தான் நடிகர் விஜயகாந்த். விஜயகாந்த் கூட நடித்த 99% நடிகர்கள் அவர் நல்லவர் நல்ல மனதுக்காரர் என்று தான் பாராட்டுவார்கள்.
படத்தில் நடிக்கும் சண்டைக் கலைஞர்கள் குடும்பத்திற்கு உதவுவது, பல மாணவர்களின் கல்விக்கு உதவுவது என கொடுத்து கொடுத்து அவருடைய கரங்கள் சிவந்து இருக்கிறது. தர்மம் தலைகாக்கும் என்று பழமொழி உண்டு அதற்கு விஜயகாந்த் வாழும் உதாரணமாகவே இருக்கிறார்.
விஜயகாந்த் கடந்த ஆறு ஏழு ஆண்டுகளாகவே உடல் நலம் பாதிக்கப்பட்டு தான் இருக்கிறார். ஆனால் அவர் செய்த தர்மம் மட்டும் தான் விஜயகாந்தை தற்போது காப்பாற்றி வருவதாக அவருடைய நண்பரும் ரசிகர்களும் கூறி வருகிறார்கள்.
இதனால் தான் விஜயகாந்துக்கு எப்போதுமே தனி ரசிகர்கள் பட்டாலும் உண்டு. ஆனால் அரசியலில் சென்று அவரை காமெடியன் போல் சிலர் மாற்றி விட்டார்கள். மேலும் உச்சத்துக்கு செல்லக்கூடிய விஜயகாந்த் தனது உடல்நலம் பாதிக்கப்பட்டதால் தற்போது இந்த நிலையில் இருக்கிறார்.
