தமிழ் சினிமாவில் ரசிகர்களால் தளபதி என்று அழைக்கப்படும் நடிகர் விஜயின் அடுத்த படம் லியோ வரும் அக்டோபர் 19ஆம் தேதி ரிலீசாக இருக்கிறது.இதற்கு இன்னும் 40 நாட்களுக்கு மேல் உள்ள நிலையில் தற்போது லியோ மிகப்பெரிய சாதனை ஒன்றை படைத்திருக்கிறது.
விக்ரம் வெற்றி பெற்றதற்கு பிறகு நடிகர் விஜயை வைத்து லோகேஷன் கனகராஜ் இந்த படத்தை இயக்குவதால் ரசிகர்கள் மத்தியில் மிகப்பெரிய எதிர்பார்ப்பு ஏற்பட்டிருக்கிறது.
மேலும் இந்தப் படம் கைதி விக்ரம் ஆகியவற்றின் தொடர்ச்சியாக இருக்குமா என்ற சந்தேகமும் ரசிகர்கள் மத்தியில் எழுந்துள்ளது. இந்த நிலையில் முன் எப்போதும் இல்லாத அளவிற்கு தமிழ் சினிமா வரலாற்றில் முதல்முறையாக படம் ரிலீஸ் ஆவதற்கு 42 நாட்களுக்கு முன்பு வெளிநாடுகளில் லியோ படத்திற்கான முன்பதிவு தொடங்கி விட்டது.
அகிம்சா என்டர்டைன்மென்ட் என்ற நிறுவனம் லியோ திரைப்படத்தின் இங்கிலாந்து உரிமையை வாங்கி இருக்கிறது.டிக்கெட் விற்பனை தொடங்கிய சில மணி நேரத்திலேயே பத்தாயிரம் டிக்கெட்டுகள் விற்று தீர்ந்து விட்டதாக அந்த நிறுவனம் அறிவித்துள்ளது.
இது தமிழ் சினிமாவுக்கு மிகப்பெரிய சாதனை என்றும் அந்த நிறுவனம் கூறியுள்ளது. இங்கிலாந்திலே லியோ திரைப்படத்திற்கு இந்த நிலைமை என்றால் தமிழகத்தில் கேட்கவே வேண்டாம். இது குறித்து செய்தியாளர்களிடம் பேசிய தமிழ்நாடு திரைப்பட உரிமையாளர்கள் சங்கத்தின் தலைவர் திரு திருப்பூர் சுப்பிரமணியம், லியோ திரைப்படத்திற்கு வரலாறு காணாத அளவுக்கு எதிர்பார்ப்பு இருப்பதாக கூறியுள்ளார்.
இதனால் லியோ திரைப்படத்திற்கு தமிழக அரசு சிறப்பு காட்சிகளை அனுமதிக்கவில்லை என்றால் சாதாரண மக்களுக்கு டிக்கெட்டை கிடைக்காத நிலை ஏற்பட்டு விடும் என்றும் அவர் கூறியுள்ளார். இதனால் சிறப்புக் காட்சிகள் அனுமதி அளிக்கப்பட்டால் மட்டுமே லியோ திரைப்படத்தில் எந்த பிரச்சினையும் இல்லாமல் திரையிட முடியும் என்றும் அவர் கோரிக்கை விடுத்துள்ளார்.
