நடிகர் விஜய் திரைப்படம் என்றாலே அந்தப் படத்திற்கு நடத்தப்படும் இசை வெளியீட்டு விழாவை தான் அவரது ரசிகர்கள் மிகவும் ஆவலுடன் எதிர்பார்த்து காத்து இருப்பார்கள். இசை வெளியீட்டு விழாவின் போது நடிகர் விஜய் பேசும் குட்டிக்கதை அடுத்த ஒரு ஆண்டுக்கு அவர்களது ரசிகர்கள் மத்தியில் பெரும் தாக்கத்தை ஏற்படுத்தும்.
மேலும் ரசிகர்களை விஜய் சந்திக்க ஒரு வாய்ப்பாகவும் இந்த இசை வெளியிட்டு விழா நடத்தப்படும். இந்த நிலையில் லியோ திரைப்படத்திற்கு போலி டிக்கெட்கள் அதிக அளவில் விற்கப்பட்டதால் பாதுகாப்பு பிரச்சனையை ஏற்படும் என போலீசார் அறிவுறித்தியதை அடுத்து லியோ இசை வெளியீட்டு விழா ரத்து செய்யப்பட்டது.
இந்த நிலையில் இதனால் விஜய் ரசிகர்கள் ஏமாற்றத்துடன் காத்திருக்கிறார்கள். இந்த நிலையில் விஜய் ரசிகர்கள் சார்பாக தயாரிப்பாளர் தனஜெயன் லியோ தயாரிப்பாளர் லலித் குமாரிடம் பேசியிருக்கிறார். இதற்கு பதில் அளித்த லலித் குமார், தாம் நடிகர் விஜய்யிடம் இசை வெளியீட்டு விழா அல்லது சிறிய அளவில் பிரீ ரிலீஸ் விழா ஆகியவை நடத்த கேட்டிருப்பதாக கூறினார்.
அதற்கு லலித், விஜய் ஏதேனும் ஒரு தேதியை கொடுத்தால் நிச்சயம் இசை வெளியீட்டு விழாவை நடத்த தயாராக இருப்பதாகவும் கூறி இருக்கிறார். இசை வெளியீட்டு விழாவிற்காக சன் டிவியில் வாங்கப்பட்ட நேரம் அப்படியே இருப்பதாக குறிப்பிட்டுள்ள லலித் குமார் அந்த நேரத்தில் சின்னதாக ஏதேனும் ஒரு நிகழ்ச்சியை நடத்திவிட்டு அதனை அங்கு ஒளிபரப்பு செய்ய இருப்பதாகவும் கூறியிருக்கிறார்.
மாஸ்டர் படத்திற்காக எவ்வாறு சின்ன மேடையில் விழா நடத்தப்பட்டதோ அதேபோல் ஒரு நிகழ்ச்சியை இதற்காகவும் நடத்த இருப்பதாகவும் லலித் குமார் கூறியிருக்கிறார். ரசிகர்களின் பாதுகாப்புக் கருதியே இசை வெளியீட்டு விழாவை பெரிய அளவில் நடத்த முடியாமல் போனதாலும் மாற்று ஏற்பாடுகள் தயார் நிலையில் இருப்பதாகவும் லியோ பட குழு தம்மிடம் தெரிவித்திருப்பதாக தனஞ்செயன் ஒரு நேர்காணலில் கூறியிருக்கிறார்.
இதனால் ட்ரெய்லர் வரும் ஐந்தாம் தேதி ரிலீஸ் ஆகும் நிலையில் இசை வெளியீட்டு விழாவும் குறித்து அறிவிப்பு வெளியாகும் என எதிர்பார்க்கப்படுகிறது.
