சூப்பர் ஸ்டார் ரஜினிகாந்தின் ஜெயிலர் படம் எப்போது வெளியாகும்?என்று ஏங்கித் தவித்த ரசிகர்களின் ஏக்கத்தை போக்கிய நாள் இன்று..சூப்பர் ஸ்டார் ரஜினிகாந்த், மோகன்லால் ,சிவராஜ்குமார், ஜாக்கிசரஃப் ,தமன்னா, ரம்யா கிருஷ்ணன் போன்ற உச்ச நட்சத்திரங்கள் ஒன்றாக இணைந்த இப்படம், இயக்குனர் நெல்சனின் இயக்கம் மற்றும் சன் பிக்சர்ஸ் இன் தயாரிப்பில் மிக பிரம்மாண்டமாக உருவாகியுள்ளது.
அனிருத்தின் இசையமைப்பில் பாடல்கள் விண்ணை நோக்கி சென்று கொண்டிருக்கின்றன.
ஆகஸ்ட் 10ஆம் தேதி அன்று படம் வெளியாகும் என்ற செய்தி வந்த உடனே ரசிகர்கள் காத்துக் கிடந்தார்கள். சில நிறுவனங்களோ ;தன் நிறுவனங்களுக்கு விடுமுறை அளித்ததோடு, இலவசமாக டிக்கெட் கொடுத்து ,தன் பணியாளர்களோடு இந்த நாளை ஒரு பண்டிகை போல கொண்டாடினார்கள்..!
அதிகாலை காட்சிகள் ரத்து செய்யப்பட்டதும் ,சோகத்தில் இருந்த ரசிகர்கள் ஒன்பது மணி காட்சிக்கு அதிகாலையில் இருந்தே தியேட்டர் வாசல்களில் உற்சாகத்துடன் காத்திருந்தார்கள்.பெங்களூரில் படம் பார்த்து முடித்த ரசிகர்கள் உற்சாக வெள்ளத்தில் ஜெயிலர் படத்தை பற்றி சிலாகித்துக் கூறி வருகின்றனர்.படம் முழுவதுமே சூப்பர் ஸ்டாரின் டச்சு அதிகமாக இருக்கிறதா ரசிகர்களுக்கு படையப்பா, சந்திரமுகிக்கு பிறகு வெற்றிகொண்டாட்டத்தை இப்படம் தந்திருக்கிறது…
சமீபத்திய சறுக்கல்களால் துவண்டு போன ரஜினிகாந்த் மற்றும் நெல்சனின் மனதை ஊக்கப்படுத்தும் விதமாக ஜெயிலர் படத்தின் விமர்சனங்கள் வந்த வண்ணம் உள்ளதாம்..
இயக்குனர் நெல்சன் பீஸ்ட் படத்தில் விட்ட இடத்தை இப்படத்தில் மீண்டும் பிடித்து தான் ஒரு வெற்றி இயக்குனர் என்பதை மீண்டும் உறுதிப்படுத்தியுள்ளார்!
நகைச்சுவை காட்சிகளுக்கும் எந்த பஞ்சமும் இல்லையாம். நெல்சன் இன் ஸ்டைலான பிளாக் காமெடி இப்படத்தில் அதிகம் இடம் பிடித்திருக்கிறது என்று ரஜினி ஏற்கனவே இசை வெளியீட்டு விழாவில் குறிப்பிட்டு இருந்தது நினைவு கூறத் தக்கது..
ரஜினி ரசிகர்கள் மட்டுமின்றி அனைவரையும் கவரும் விதத்தில் திரைப்படம் இருப்பதால் ரசிகர்கள் உற்சாகத்தில் திளைத்து உள்ளார்கள்.மோகன்லால், சிவராஜ்குமார் தமன்னா போன்ற உச்ச நட்சத்திரங்கள் சிறு சிறு காட்சிகளே வந்தாலும் நெஞ்சை விட்டு நீங்க மறுப்பார்களாம்.
நெல்சன் இசை வெளியீட்டு விழாவில் பேசியது போல் “தலைவன் தலைவன் தான்” என்று சூப்பர் ஸ்டார் மீண்டும் ஒருமுறை முத்திரை பதித்துள்ளதாக ரசிகர்கள் ஆர்ப்பரிக்கிறார்கள்.நேற்று சிறப்பு காட்சியாக வெளியாகிய ஜெயிலர் படத்தை கண்ட ரஜினிகாந்த்,
ஜெயிலர் படத்தின் இசையமைப்பாளர் அனிருத் க்கு போன் செய்து” மை காட் சூப்பர் அணி” என்று ரஜினிகாந்த் புகழ்ந்ததில் அனிருத் செலிப்ரேஷன் மோடில் உள்ளாராம். தலைவர் பேசியதிலிருந்து அவருக்கு படத்தின் இசை சேர்ப்பு மிகவும் பிடித்துப் போனதாகவே நான் உணர்கிறேன் என்று ஆனந்த கடலில் திளைத்து போய் உள்ளார் அனிருத்…
