தமிழ் சினிமாவில் உச்ச நடிகர்களில் ஒருவராக விளங்கும் நடிகர் ரஜினிகாந்த் தற்போது ஜெயிலர் படத்தில் நடித்திருக்கிறார் இந்த படம் வரும் ஆகஸ்ட் 10ஆம் தேதி சுதந்திர தின விடுமுறையை மையமாக வைத்து ரிலீஸ் ஆகிறது.
இதன் காரணமாக தமிழகத்தில் மிகப்பெரிய வசூல் சாதனையை இந்த படம் படைக்கும் என எதிர்பார்ப்பு இருந்துள்ளது காரணம் இயக்குனர் நெல்சன் இந்த படத்தை செதுக்கிய விதம் ரசிகர்களிடையே வரவேற்பை பெற்றிருக்கிறது.
ரஜினி ரசிகர்கள் மட்டுமின்றி ஒட்டுமொத்த சினிமா ரசிகர்களின் எதிர்பார்ப்பையும் எகிற வைத்திருக்கும் ஜெயிலர் படத்தின் பாடல்கள் ஒவ்வொன்றும் பெரும் புயலை கிளப்பிக் கொண்டிருக்கிறது.
அதிலும் ஒன்றுக்கு ஒன்று சளைத்தது இல்லை என்கிற வகையில் இரண்டாவதாக களம் இறக்கப்பட்ட ஹூக்கும் பாடல் தலைவரின் வெறியர்களுக்கு மிகப்பெரிய விருந்தாக அமைந்திருக்கிறது.
அந்தப் பாடலை சூப்பர் சுப்பு என்ற பாடல் ஆசிரியர் செதுக்கியிருக்கிறார்.எங்கிருந்தாலும் அந்த தங்கத்தை தூக்கிட்டு வாங்கடா என்று தலைமேல் வைத்து கொண்டாடும் ரசிகர்கள் பல கோடி பேர் இருக்க.
அந்த வரியில் பங்கம் பண்ணுவது நம்மளயோ என்று முக்காடு போட்டுக் கொண்டிருக்கும் அந்த நாலு பேருக்கும் சேர்த்து அதிர்ச்சி அளித்திருக்கிறார் நம்ம சுப்பு
என்று ஜெயிலர் படத்துக்கு பாட்டு எழுதினாரோ அன்றே தன் இதய சிறையில் சிறை வைத்து விட்டனர் நம் ரசிகர்கள்.
தமிழ் ரசிகர்களின் டைகராக மாறியது மட்டுமின்றி புதிய படம் ஒன்றுக்கு டைரக்டராக மாறப் போகிறாராம் நம்ம சுப்பு.
மேலும் கண்ணா ரெண்டு லட்டு தின்ன ஆசையா என்பது போல் படத்தில் இன்னொரு பாடலையும் தெறிக்கவிட்டிருக்கிறாராம்.
ரசிகர்களோ அலப்பறைக்கு பெரும் எதிர்பார்ப்போடு தயாராகிக் கொண்டிருக்கிறார்கள்.
இந்த நிலையில் சூப்பர் சுப்புவுக்கு மீண்டும் திரைப்படத்தை இயக்க ஒரு வாய்ப்பு கிடைத்திருக்கிறது. அவர் ஏற்கனவே சுட்ட கதை என்ற திரைப்படத்தை இயக்கியிருக்கிறார்.
ஆனால் அது தோல்வியில் முடிந்தது தற்போது பாடல் ஆசிரியராக பலம் வரும் சூப்பர் சுப்புவுக்கு ஜெயிலர் படம் மூலம் மீண்டும் இயக்குனராக பலம் பெற வாய்ப்பு வந்திருக்கிறது. இந்த நிலையில் தனது பாடல் மூலம் விஜய் ரசிகர்களின் எதிர்ப்பை சம்பாதித்து கொண்டதால் தற்போது சூப்பர் சிப்பு, அடுத்த சூப்பர் ஸ்டார் விஜய் தான் என்று பொசுக்கென்று கூறிவிட்டார்.இதனால் தலையில் தூக்கி வைத்துக் கொண்டாடிய ரஜினி ரசிகர்கள் தற்போது அதிருப்தியில் உள்ளனர்.
