நானே வருவேன் படத்தின் தோல்வியை தொடர்ந்து அடுத்து ஒரு வெற்றியை நோக்கி தனுஷ் முலமாக நடித்துக் கொண்டிருக்கும் படம் வாத்தி.. இத்திரைப்படத்தை நாகவம்சி மற்றும் சாய் சௌஜன்ய ஆகியோரின் தயாரிப்பில் இப்படமானது உருவாகியது . இத்திரைப்படத்தை வெங்கி அட்லூரி இயக்கியிருக்கிறார். இத்திரைப்படத்தின் ஆடியோ வெளியீட்டு விழா கடந்த சனிக்கிழமை மிகவும் பிரம்மாண்டமாக நடைபெற்றது .
இந்தத் திரைப்படத்தினை செவன் ஸ்கிரீன் ஸ்டுடியோஸ் ரெட் ஜெயன்ட் மூவிஸ் மற்றும் தென்னிந்தியா லிமிடெட் ஆகிய நிறுவனங்கள் விநியோகிக்க இருக்கின்றன . இந்தத் திரைப்படத்தில் தனுசுடன்,சம்யுக்தாமேனன்,தனிக்கெல்லா பரணி,சமுத்திரக்கனி,ஆடுகளம் நரேன் இளவரசு,சா.ரா, தொடப்பள்ளி மது உள்ளிட்டோர் முக்கிய கதாபாத்திரங்களில் நடித்திருக்கின்றனர்.
கடந்த வருடம் வெளியான திரைப்படங்களில் திருச்சிற்றம்பலம் படம் மட்டுமே தனுசுக்கு ஓரளவு வெற்றியை கொடுத்தது . மிகப்பெரிய எதிர்பார்ப்பில் அவரது அண்ணன் செல்வராகவன் இயக்கத்தில் வெளியான நானே வருவேன் திரைப்படம் எதிர்பார்ப்பை பூர்த்தி செய்யவில்லை என்றே கூறலாம் . இதனால் மீண்டும் வெற்றியை கொடுக்க வேண்டிய ஒரு கட்டாயத்தில் நடித்திருக்கும் படம் வாத்தி. இந்தத் திரைப்படத்தின் பாடல்கள் யூடியூபில் வெளியாகி ரசிகர்களிடம் நல்ல வரவேற்பை பெற்றது.
ரசிகர்களின் மிகுந்த எதிர்பார்ப்புடன் வருகின்ற பிப்ரவரி 17 ஆம் தேதி இந்தத் திரைப்படம் ஆனது வெளியாக இருக்கிறது . இதனை முன்னிட்டு இப்படத்திற்கான ட்ரைலர் வருகின்ற புதன்கிழமை பிப்ரவரி 8ஆம் தேதி வெளியிடப்பட இருக்கிறது . இதனை பட குழுவினரே தங்களின் ட்விட்டர் பக்கத்தில் அதிகாரப்பூர்வமாக அறிவித்திருக்கின்றனர் . சமீபத்தில் மிக பிரம்மாண்டமாக நடத்தப்பட்ட ஆடியோ வெளியிட்டைத் தொடர்ந்து அடுத்த மூன்று நாட்களில் ட்ரெய்லர் வருவது படத்திற்கான எதிர்பார்ப்பை ரசிகர்களிடம் எகிற செய்திருக்கிறது .
இந்தத் திரைப்படம் தமிழ் தெலுங்கு என இரண்டு மொழிகளில் ஒரே நேரத்தில் வெளியாக இருக்கிறது . தனுஷ் நடித்த திரைப்படங்களிலேயே ஒரே நேரத்தில் இரண்டு மொழிகளில் வெளியாக போகும் திரைப்படம் இதுதான் . இது மேலும் எதிர்பார்ப்பை அதிகரித்து இருக்கிறது . தனுஷிற்கான எதிர்பார்ப்பு தெலுங்கு சினிமாவில் எப்படி இருக்கும் என்பதை வாத்தி படம் முடிவு செய்யும் என்றே கூறலாம் . இத்திரைப்படத்தில் தனுஷ் கல்லூரி உதவி பேராசிரியர் வேடமேற்று நடித்திருப்பதாக சினிமா வட்டாரங்கள் தெரிவிக்கின்றன .
இத்திரைப்படத்தினை தொடர்ந்து கேப்டன் மில்லர் திரைப்படத்தில் வித்தியாசமான கதாபாத்திரத்தில் நடிக்க இருக்கிறார் தனுஷ். அதன் பிறகு அவரது ஐம்பதாவது படத்தை சன் பிக்சர்ஸ் நிறுவனத்துக்காக அவரே நடிக்கும் இயக்க இருப்பதாக தகவல்கள் வருகின்றன .
