தமிழ்நாட்டில் மிகப்பெரிய எதிர்பார்ப்பு ஏற்படுத்திருக்கும் திரைப்படம் என்றால் அது ஜெய்லர். ஏனென்றால் நடிகர் ரஜினி கடந்த சில படங்களாக தோல்வி கொடுத்த நிலையில் ஜெய்லர் மூலம் படத்தை ஹிட் ஆக்குவார் என ரசிகர்கள் எதிர்பார்க்கின்றனர்.
இதற்காக மலையாளத்தில் சூப்பர் ஸ்டார் ஆன மோகன்லால் ரஜினியுடன் இணைந்து நடிக்கிறார். இந்த படம் வரும் ஆகஸ்ட் 10ஆம் தேதி துறைக்கு வருகிறது. இந்த நிலையில் இந்தப் படத்தின் இசை வெளியீட்டு விழா இன்று சென்னையில் மிக பிரம்மாண்டமாக நடைபெறுகிறது.
இதற்காக 500 பாஸ்கள் ஏற்கனவே இலவசமாக வழங்கப்பட்டு இருக்கிறது. இந்த நிகழ்ச்சியில் ஆயிரம் பேர் வந்து நிகழ்ச்சியை பார்க்க இருக்கிறார்கள். இந்த நிலையில் எப்போதுமே ஒரு மேடை கிடைத்தால் அதனை சிறப்பாக பயன்படுத்துவது சூப்பர் ஸ்டாரின் வழக்கம்.
இந்த நிலையில் ரஜினி ஜெய்லர் படத்தில் தொடர்பான பாடல் வரிகளில் எழுந்துள்ள சர்ச்சைக்கு முடிவு கட்டுவார் என எதிர்பார்க்கப்படுகிறது. ஏற்கனவே அரசியல் மேடையில் தமது காலம் சினிமா நடிகனாக முடிந்துவிட்டது என்றும் வேறொருவர் தற்போது சூப்பர் ஸ்டார் வந்து விட்டார் என்றும் ஆறாண்டுக்கு முன்பு வெளிப்படையாக ரஜினி கூறியிருந்தார்.
இந்த நிலையில் அதனை மீண்டும் ரஜினி கூறுவாரா? இந்த சர்ச்சைக்கு முடிவு கட்டுவாரா? இல்லை நான் தான் ஒரே சூப்பர் ஸ்டார் என மீண்டும் பேசுவாரா என ரசிகர்கள் எதிர்பார்த்து காத்திருக்கிறார்கள். இதேபோன்று தன்னுடைய படம் வரும்போது எல்லாம் ரஜினி ஏதேனும் அரசியல் கருத்தை கூறி பரப்பரப்பை ஏற்படுத்துவார்.
இந்த நிலையில் ஜெய்லர் படத்திற்கும் அதே பாணியை கடைப்பிடிப்பார் என எதிர்பார்க்கப்படுகிறது. தற்போது நாடு எங்கும் பெரிய அரசியல் மாற்றம் ஏற்பட்டிருக்கும் நிலையில் இந்த மேடையை ரஜினி அதற்காக பயன்படுத்துவார் என்றும் கூறப்படுகிறது.
