டார்லிங் படத்தின் மூலம் ஹீரோவான இசையமைப்பாளர் ஜிவி பிரகாஷ் குமார், தற்போது இடிமுழக்கம், 13, கள்வன், டியர் என்று ஏராளமான படங்களில் நடித்து வருகிறார். அதுமட்டுமல்லாமல் கேப்டன் மில்லர், தங்கலாம்,. வாடிவாசல், ஜப்பான், சைரன் என்று எண்ணற்ற படங்களுக்கும் இசையமைத்து வருகிறார்.
இசையில் கில்லியான ஜிவி பிரகாஷ் குமார், நடிப்பில் சில நல்ல ஹிட் படங்களை கொடுத்துள்ளார். டார்லிங், த்ரிஷா இல்லனா நயன்தாரா, நாச்சியார், ஜெயில், அடியே, சிவப்பு மஞ்சள் பச்சை உள்ளிட்ட ஏராளாமான படங்கள் ஹிட்டடித்துள்ளன. இதனால் ஜிவி பிரகாஷ் குமாரின் தேதிகள் எப்போதும் பிஸியாகவே உள்ளது.
இந்த நிலையில் ஜிவி பிரகாஷ் குமார் தனது 25வது படத்தில் நடிப்பதோடு மட்டுமல்லாமல் தயாரிக்கவும் முன் வந்துள்ளார். அறிமுக இயக்குநர் கமல் பிரகாஷ் இயக்கத்தில் ஜிவி பிரகாஷ் நடிக்கவுள்ளார். இந்தப் படமும் இளைஞர்களின் காதலை மையப்படுத்திய படம் என்றே சொல்லப்படுகிறது. இதனால் இந்த படத்தை ஜிவி பிரகாஷ் தயாரிக்கவுள்ளார்.
அதுமட்டுமல்லாமல் இந்த படத்தில் பேச்சிலர் படத்தின் கூட்டணி மீண்டும் இணையவுள்ளது. பேச்சிலர் படத்தில் நடித்த நடிகை திவ்ய பாரதி மீண்டும் ஜிவி பிரகாஷ் ஜோடியாக நடிக்கவுள்ளார். ஏற்கனவே திவ்ய பாரத் நடிகர் கதிர் உடன் ஒரு படத்தில் நடித்து வருகிறார். அதுமட்டுமல்லாமல் சேரன் இயக்கம் வெப் சீரிஸ், தெலுங்கு படம் ஒன்றை கையில் வைத்துள்ளார்.
பிஸியான நடிகையாக வலம் வரும் திவ்ய பாரதி மீண்டும் ஜிவி பிரகாஷ் உடன் கைகோர்த்துள்ளது ரசிகர்களிடையே எதிர்பார்ப்பை ஏற்படுத்தியுள்ளது. அதுமட்டுமல்லாமல் பேச்சிலர் படத்தின் பாடல்களை போல் இந்தப் படத்தின் பாடல்களும் ஹிட்டடிக்கும் என்று பார்க்கப்படுகிறதுய். இந்த படத்தின் ஃபர்ஸ்ட் லுக் போஸ்டரை நடிகர் கமல்ஹாசன் நாளை வெளியிடவுள்ளது குறிப்பிடத்தக்கது.
