இயக்குனர் நெல்சன் இயக்கத்தில் ரஜினிகாந்த் மற்றும் மிகப் பெரிய பட்டாளம் நடிப்பில் உருவாகியுள்ள திரைப்படம் ஜெயிலர். ஓராண்டிற்கு மேல் ஷூட்டிங்கில் இருந்த படம் இன்னும் 4 நாட்களில் திரைக்கு வரவிருக்கிறது. புரொமோஷன் பணிகள் அனைத்தையும் படக்குழு கச்சிதமாக மேற்கொண்டு வருகிறது.
விஜய்யின் பீஸ்ட் திரைப்படத்தின் விமர்சனத்தை அடுத்து இணையத்தில் பயங்கரமாக கலாய்க்கப்பட்டார் இயக்குனர் நெல்சன். இதனை அடுத்து ஒரு கட்டத்தில் ரஜினிகாந்த் படத்தில் இருந்து அவர் நீக்கப்படுவார் என்றெல்லாம் எதிர்பார்க்கப்பட்டது. அவரின் மேல் ரஜினி வைத்த நம்பிக்கையே ஜெயிலர் !
இம்முறை அனைத்தும் சரியாக நடக்க வேண்டும் என்பதற்காக கூடுதல் உழைப்பை இதில் நெல்சன் போட்டுள்ளார். ரஜினியுடன் சிவராஜ் குமார், ஜாக்கி ஷெராப், சுனில், ரம்யா கிருஷ்ணன், தமன்னா, வசந்த் ரவி, யோகி பாபு உள்ளிட்ட பல நட்சத்திரங்கள் இதில் நடித்துள்ளனர்.
திரைப்படம் வெளியாக இன்னும் 4 நாட்களே இருக்கின்றன. தமிழகத்தில் முன்பதிவுகள் இன்று தொடங்கப்பட்டன. எப்போதும் இல்லாத அளவிற்கு பி.வி.ஆர் போன்ற மல்டிப்லக்சில் கார்பரேட் புக்கிங் செய்யப்பட்டுள்ளது. வெளியிடுவதற்கு முன்பே தயாரிப்பாளர்கள் மற்றும் விநியோகிஸ்தர்கள் எதிர்பார்த்த பணத்தை பார்க்கின்றனர்.
கோலிவுட் பெரிய படங்கள் இந்தியாவுக்கு அடுத்தப்படியாக அமெரிக்காவில் தான் அதிக லாபம் பார்க்கும். இது அனைவர் அறிந்த ஒன்றே. மணிரத்னத்தின் பொன்னியின் செல்வன் முதல் பாகம் ஏற்படுத்திய தாக்கத்தின் விளைவாக இரண்டாவது பாகத்தின் முன்பதிவுகள் 5 லட்சம் அமெரிக்கா டாலர்களுக்கு நெருங்க ஈன்றது. விஜய், அஜித் படங்களை முந்தி இச்சாதனையை படைத்த படத்தை அசால்ட்டாக தாண்டினார் ரஜினிகாந்த்.
ஜெயிலர் திரைப்படம் ஏற்கனவே அமெரிக்காவில் 5 லட்சம் டாலர்களை வசூலிதுவிட்டது. இந்திய தொகையில் 4 கோடிக்கும் மேல். படத்தின் வெளியீட்டுக்கு இன்னும் 4 நாட்கள் இருப்பதால் சுலபமாக 10 கோடியை பெற்றுவிடும் என தெரிகிறது. ஒவ்வொரு படத்திலும் எதேனும் ஓர் சாதனையை படைப்பது மற்றும் முறியடிப்பது ரஜினிக்கு வழக்கமாகிவிட்டது. தற்போது வசூலை விட விமர்சன ரீதியான வெற்றியையே நெல்சன் & கோ பெரிதும் எதிர்பார்த்துக் காத்திருக்கிறது. அந்த வெற்றி வசூலை இன்னும் உயர்த்தும்.
